一年已經過去

話咁快，我哋專頁已經設立咗 1 年啦。 在這一年，都面對風風雨雨。開心嘅係截至5月21日我哋已經有 376 個 like ， 首先我哋想係度同大家講聲多謝哂。 其實呢一年我哋嘅變化都真係幾大，起初我哋只係成日 share 人哋啲嘢（p.s. 因為果陣時都唔知有咩嘢 post），確實，咁樣落去根本唔係方法。所以，我哋諗咗個小西灣綫嘅方案，雖然可行性都幾渺茫，但係起碼能夠做到一份實事。 跟住我哋都post啲車務或者發展方案，我哋都知有啲發展方案都算可行，有啲就 「天方夜譚」。 直到 4 月份，我哋打算開個附屬嘅 wtsapp 群，以擴大個討論範圍同埋吸納的新嘅同埋可行嘅方案俾大家。於成立嘅後期，有一群人開始集中講東北輕鐵，但係正所謂「天下沒有不散之筵席」，分叉出成為「香港鐵路發展研究組」。 講多無謂，做嘢最實際。咁最後我哋希望香港嘅鐵路界能夠健康發展，咁多位交通迷以和為貴。而我哋則會再深入研究香港嘅鐵路未來發展，發出新嘅方案或姐想法同大家一齊討論。希望大家多多支持啦！

#fruits